“Барселона” ҳужумчиси Рафинья Чемпионлар лигаси 1/4 финалининг “ПСЖ”га қарши биринчи учрашувида (3:2) энг яхши футболчи деб топилди. Ушбу учрашувда бразилиялик дубль қайд этди.

“У ҳаракатчанлиги ва тезлиги билан жуда хавфли эди. У тўпни қабул қилишга ёки парижлик ҳимоячилар орқасидаги бўшлиқдан фойдаланишга қачон тайёр бўлишни аниқ биларди. Унинг иккинчи голи айниқса техник нуқтаи назардан ажойиб бўлди”, - дейди УЕФА техник кузатувчилар гуруҳи.

Жавоб ўйини бир ҳафтадан сўнг, 16 апрель куни Барселонада бўлиб ўтади.