Бразилия терма жамоаси ва “Барселона”нинг собиқ ҳимоячиси Дани Алвес Неймарнинг отасига гаров сифатида тўлаган пулларини қайтарди, деб хабар бермоқда Folha de S.Paulo собиқ футболчининг адвокатига таяниб.
Манбага кўра, Алвес Неймарнинг отасидан 150 минг евро қарз олган ва пулни бир ҳафта олдин қайтариб берган.
25 март куни Алвес 1 миллион евро гаров эвазига қамоқдан озод этилганди. Маълум қилинишича, 40 ёшли бразилияликнинг паспорти олиб қўйилиши ва ҳар ҳафта судга ҳисобот бериши керак бўлади.
22 февраль куни Барселона суди 40 ёшли Алвесни 2022 йилда Каталония пойтахтидаги тунги клубда қизни зўрлагани учун 4,5 йилга озодликдан маҳрум қилди.
