"Манчестер Сити" дарвозабони Стефан Ортега келажаги борасидаги вазият ҳақида гапирди. Эслатиб ўтамиз, 31 ёшли германияликнинг "шаҳарликлар" билан шартномаси кейинги мавсум охирида якунига етади.
"Менинг келажагим? Бу унчалик қийин мавзу эмас. Мен ва оилам Манчестерда ўзимизни жуда қулай ҳис қиляпмиз. Дунёнинг энг йирик клубларидан бирида ўйнайман. Бунга қарши кўп далиллар йўқ. Бироқ, мен қарор қабул қиладиган ягона одам эмасман. Бу жараёнда клуб ҳам иштирок этмоқда", - дейди Ортега.
Стефан Эдерсон жароҳати туфайли сўнгги бир неча ўйинда "Манчестер Сити"да асосий таркибда майдонга тушди, аммо бразилиялик футболчи тез орада сафга қайтиши керак.
