Леверкузеннинг "Байер" клуби ҳужумчиси Патрик Шик фаолиятини Туркияда давом эттириши мумкин. Журналист Саша Таволиерининг ёзишича, турк клуби ёзги трансфер ойнасида чехиялик футболчини ижарага олишга ҳаракат қилади.
Қайд этилишича, “Бешиктош” вакиллари аллақачон “Байер” билан боғланиб, эҳтимолий келишувни муҳокама қилишган. Жорий мавсумда 28 ёшли Шик “Байер” сафида 22 та ўйинда майдонга тушиб, 11 та гол урди ва 3 та голга ассистентлик қилди.
Клуб Чехия терма жамоаси футболчисини 22 миллион еврога баҳоламоқда.
