Рональд Куман Луис Энрикенинг "Барселона" ҳақидаги сўзларини баҳолади.
Чемпионлар лигаси доирасидаги "ПСЖ" - "Барселона" ўйини (2:3) олдидан бўлиб ўтган матбуот анжуманида Энрике "блауграна"ни ҳаммадан, жумладан Хавидан ҳам яхшироқ билишини айтган эди.
"Барсанинг ДНКси нима эканлигини кўрсатадиган ҳужжат бор ёки йўқлигини билмайман. "Барса"нинг ДНКси - чемпионликни қўлга киритиш. Мен Луис Энрике ва Хавининг хулқ-атворини кўрдим ва улар яхши дўст бўлиб қолишди. Менимча, улар орасида яна бир нарса бор. Лекин мен уларнинг сешанба кунги баёнотларини ўринсиз деб ҳисоблайман. Ўйин олдидан бу ҳақда гапириш нотўғри.
"Барса" ДНКси бўлган учта одам бор. Услубини ўзгартирган Кройфф, мураббий сифатида "Барса" тарихидаги энг яхши футбол кўрсатган Гвардиола ва Месси. Месси бор экан, ДНК ҳақида гапиришнинг ҳожати йўқ, чунки у тарихдаги энг зўр эди.
"Барса" мураббийи сифатида сиз чиройли ўйнашни, ҳужум қилишни ва барибир ғалаба қозонишни хоҳлайсиз ва бу сизнинг ўйинчиларингизга боғлиқ", деди “Барселона”нинг собиқ мураббийи.
