Ronald Kuman Luis Enrikening "Barselona" haqidagi so‘zlarini baholadi.

Chempionlar ligasi doirasidagi "PSJ" - "Barselona" o‘yini (2:3) oldidan bo‘lib o‘tgan matbuot anjumanida Enrike "blaugrana"ni hammadan, jumladan Xavidan ham yaxshiroq bilishini aytgan edi.

"Barsaning DNKsi nima ekanligini ko‘rsatadigan hujjat bor yoki yo‘qligini bilmayman. "Barsa"ning DNKsi - chempionlikni qo‘lga kiritish. Men Luis Enrike va Xavining xulq-atvorini ko‘rdim va ular yaxshi do‘st bo‘lib qolishdi. Menimcha, ular orasida yana bir narsa bor. Lekin men ularning seshanba kungi bayonotlarini o‘rinsiz deb hisoblayman. O‘yin oldidan bu haqda gapirish noto‘g‘ri.

"Barsa" DNKsi bo‘lgan uchta odam bor. Uslubini o‘zgartirgan Kroyff, murabbiy sifatida "Barsa" tarixidagi eng yaxshi futbol ko‘rsatgan Gvardiola va Messi. Messi bor ekan, DNK haqida gapirishning hojati yo‘q, chunki u tarixdagi eng zo‘r edi.

"Barsa" murabbiyi sifatida siz chiroyli o‘ynashni, hujum qilishni va baribir g‘alaba qozonishni xohlaysiz va bu sizning o‘yinchilaringizga bog‘liq", dedi “Barselona”ning sobiq murabbiyi.