"Порту" ярим ҳимоячиси Алан Варела Европанинг етакчи чемпионатларидан бир қатор гигантларнинг қизиқиши нишонига айланган.
Аввал хабар берганимиздек, аргентиналик футболчи Англия премьер-лигаси вакилларининг радарида. OJogo хабарига кўра, "Бавария" 22 ёшли футболчига даъвогарлар рўйхатига қўшилган.
Мюнхен жамоаси бу йўлда рақобатга дош бериши керак, "Манчестер Юнайтед", "Манчестер Сити", "Ливерпуль" ва "Челси" ва "Атлетико Мадрид" ҳам ярим ҳимоячига кўз тикмоқда.
Алан Вареланинг "Порту" билан шартномасида товон пули 70 миллион еврони ташкил этади. Жорий мавсумда футболчи “аждарлар” сафида 36 та ўйин ўтказиб, 2 та гол ва 3 та голли узатмага муаллифлик қилган.
