"Қизириқ" 2024 йилдан эътиборан Лига аъзосига айланди. У ЎФА томонидан ўтказилган пулка мусобақасида ғолиб чиққани учун шартли равишда Биринчи лигага қўшиб олинди.

Эндиликда "Қизириқ" 2024 йилги мавсум давомида Лига томонидан қўйилган талабларни босқичма-босқич яхшилаб бориши керак. Яъни, унинг 2025 йилги мавсумда ҳам Лига аъзоси бўлиб қолиши талабларнинг қандай бажарилгани билан чамбарчас боғлиқ ҳисобланади. Жамоанинг янги аъзо эканлигидан келиб чиқиб, мавжуд камчиликлар босқичма-босқич бартараф этиб борилиши учун имкон берилади.

Апрель аввалида Лига мутахассислари "Қизириқ" жамоаси уй учрашувларини ўтказадиган майдонда бўлди. У ҳозирча минимал талабларга жавоб бермайди. Шуни инобатга олган ҳолда жамоанинг Ўзбекистон кубоги гуруҳ босқичи 2-тури доирасидаги "Бунёдкор" билан ўйини Тошкентда бўлиб ўтади. Қизириқ, шунингдек, 14 апрель куни "Жайхун" ва 28 апрель куни "Шўртан" меҳмони бўлади.