Лондоннинг "Челси" клуби вингери Михаил Мудрик жамоани тарк этмоқчи эмас. Бу ҳақда журналист Экрем Конур хабар бермоқда.
Манбага кўра, 23 ёшли футболчи "Челси"да бахтли ва унинг кетиши мумкинлиги ҳақидаги миш-мишларга қарамай, ёзги трансфер ойнасида клубини ўзгартириш ҳақида ўйламаяпти.
Жорий мавсумда Мудрик барча мусобақаларда 33 та ўйинда қатнашиб, 6 та гол урди ва иккита голли узатмани амалга оширди. Футболчининг "Челси" билан шартномаси 2031 йилгача мўлжалланган.
Transfermarkt портали Мудрикнинг нархини 35 миллион еврога баҳоламоқда. Ўтказилган 30 та ўйиндан кейин "кўклар" 44 очко билан АПЛ турнир жадвалида 9-ўринда бормоқда.
