Халқаро футбол федерацияси (ФИФА) президенти Жанни Инфантино ирқий камситиш кўринишларига қарши фаол курашаётган "Реал Мадрид" ва Бразилия терма жамоаси вингери Винисиус Жуниор ҳақида гапирди.

“Бизда жамиятимизда жуда жиддий бўлган ирқчилик муаммоси бор ва биз бу ҳақда бир неча ҳафтадан сўнг Бангкокдаги ФИФА конгрессида гаплашмоқчимиз.

Менинг бутун севгим ва барча футболни севувчиларнинг севгиси ирқчилик қурбони бўлганларнинг барчасига қаратилган. Айниқса Винисиус ва бошқалар азоб чекаётган ва бугунги кунда, 2024 йилда бу ҳужумларга дош беришга дунёда ҳеч қандай сабаб йўқ. Биз бу борада қатъий бўлишимиз керак. Биз зўравонликка қарши курашишимиз керак", - деб Инфантино сўзларини келтирмоқда Mundo Deportivo.

Эслатиб ўтамиз, Винисиус вақти-вақти билан "Реал Мадрид"нинг рақиблари мухлислари томонидан ҳақоратларга учраб туради.