Ҳар йилги каби Испаниянинг «Марса» нашри Hyundai автоконцерни билан ҳамкорликда мамлакат чемпионатининг энг яхшиларини тақдирлаш маросимини ўтказди.

Мавсумнинг энг яхши футболчисига аталган Ди Стефано мукофоти «Реал» ҳужумчиси Криштиану Роналдуга топширилди. Бу совринни аниқлашда «Марса» газетасининг ўқувчилари, Ди Стефанонинг ўзи, Круйфф, Зидан, Йерро, Луис Суарес ва Фабио Капелло каби футбол оламининг таниқли вакиллари қатнашишди. Роналду яқин таъқибчиси Леонэль Мессини бешта овозга ортда қолдирди.

Энг яхши тўпурар номига мамлакат чемпионатида 50 та гол муаллифи бўлган Леонэль Месси муносиб топилди.

Энг яхши мураббийга аталган Мигел Мунос соврини Жозе Моуриньога топширилди.

Зарра совринини «Валенсия» ҳужумчиси Роберто Солдадо қўлга киритди. Гап шундаки, у ўтган мавсумда Испания терма жамоаси таркибида тўп сурувчи футболчилар ичида энг кўп — 18 та гол киритган.

Энг яхши дарвозабон деб «Барселона» посбони Витор Валдес топилди ва унга Замора соврини топширилди.