Мюнхеннинг "Бавария" клуби бош мураббийлик лавозими учун ўзининг фаворитини аниқлади.
Эслатиб ўтамиз, ёзда амалдаги мураббий Томас Тухель истеъфога чиқади. Журналист Кристиан Фалк берган маълумотларга кўра, "Бавария"нинг янги бош мураббийи лавозимига Германия терма жамоаси билан шартномаси ёзда тугайдиган Юлиан Нагельсманн фаворит ҳисобланади.
Маълумотларга кўра, спорт директори Макс Эберль ўтган йилнинг март ойида "Бавария"дан ишдан бўшатилган Нагельсманнинг қайтишини жиддий қўллаб-қувватлаган.
Бироқ, Юлианнинг номзоди бўйича якуний қарор ҳали қабул қилинмаган.
