Каталониянинг "Барселона" клуби ва 17 ёшли марказий ҳимоячи Пау Кубарси тезроқ янги шартнома борасида келишиб олмоқчи. Журналист Рожер Тореллонинг маълумотларига кўра, томонлар тезда муросага эришиш умидида аллақачон музокаралар олиб бормоқда.
Қайд этилишича, Кубарси узоқ йиллар давомида "Барселона"да ўйнашда давом этмоқчи. Томонлар ушбу мавсум якунига қадар бир тўхтамга келишлари мумкин.
Ёш Кубарси "Барселона"нинг асосий марказий ҳимоячиси ҳисобланади. Пау бош мураббий Хави Эрнандеснинг ишончини қозонди, у матбуот анжуманларида мунтазам равишда футболчини мақтади.
