"Тоттенхэм" бош мураббийи Анге Постекоглоу жамоа ҳужумчиси Ришарлисоннинг аҳволи ҳақида гапирди. Бразилиялик футболчи АПЛнинг 31-туридан ўрин олган "Вест Хэм"га қарши ўйинда (1:1) тиззасидан жароҳат олди.
"Ришарлисон тиззасидан олган жароҳати туфайли бу ҳафта ўйинни ўтказиб юборади. У ўйнашга яқин, аммо бу ҳафта охири эмас. Уни кўплаб ўйинлар бўладиган мавсумнинг ҳал қилувчи қисмига тайёрлаш муҳимроқ", - дея Постекоглу сўзларини келтирмоқда журналист Фабрицио Романо.
Жорий мавсумда 26 ёшли Ришарлисон барча турнирларда 28 та учрашувда майдонга тушиб, 11 та гол урди ва 3 та голли узатмани амалга оширди.
