Ярим ҳимоячи Лукас Пакета ўтган ёзда "Вест Хэм"ни тарк этиб, "Манчестер Сити"га ўтишга яқин қолганди. Ўйинчининг ноқонуний пул тикиш эҳтимоли бўйича ўтказилган текшируви туфайли келишув амалга ошмади.
The Guardian хабарига кўра, агар футбол ассоциацияси терговни трансфер ойнаси ёпилгунча якунласа, "Манчестер Сити" кейинги трансфер ойнасида уни трансфер қилиши мумкин.
Қайд этилишича, футболчи ўз айбини тан олмаяпти. Бразилиялик футболчининг шартномасида 85 миллион фунт (тахминан 100 миллион евро) эвазига сотиб олиш варианти мавжуд.
