Transfermarkt портали экспертлари 30 ёшдан ошган энг қиммат футболчилар рейтингини тақдим этди. Биринчи ўринни Англия терма жамоаси ва "Бавария"нинг марказий ҳужумчиси Харри Кейн ишончли тарзда эгаллаб турибди. 30 ёшли футболчи 110 миллион еврога баҳоланмоқда.

Иккинчи ўринни “Ливерпуль” ҳужумчиси Муҳаммад Салоҳ эгаллаб турибди. 31 ёшли мисрлик футболчининг бозор қиймати 65 млн. Кучли учликни “Манчестер Сити” ярим ҳимоячиси Кевин Де Брюйне якунлади. 32 ёшли бельгиялик футболчининг нархи 60 миллион еврони ташкил қилади.

Рейтингдан кейинги ўринларда қуйидаги футболчилар жойлашган: Сон Хён Мин (Тоттенхэм, 50 миллион), Неймар (Ал-Ҳилол, 45 миллион), Хоқон Чалханўғли (Интер), Эдерсон (Манчестер Сити) - иккаласи ҳам 40 миллион , Фабиньо (Ал-Иттиҳод) ва Эндрю Робертсон (“Ливерпуль”) – 35 миллион ва Алиссон (“Ливерпуль”, 32 миллион).