"Манчестер Сити" бош мураббийи Пеп Гвардиола ҳимоячи Жон Стоунс нима учун "Лутон Таун"га қарши ўйинда жамоа таркибига киритилмагани ҳақидаги саволга жавоб берди.

Англия Премьер-лигасининг 33-туридан ўрин олган учрашув “шаҳарликлар”нинг 5:1 ҳисобидаги йирик ғалабаси билан якунланди.

Эслатиб ўтамиз, аввалги “Реал”га қарши ўйинда Стоунс барча 90 дақиқа ўйнаб, голли узатмани амалга оширганди.

"Унинг кичик муаммолари, кичик нарсалари бор. У яхши! У жароҳат олгани йўқ, лекин ўзини бутунлай қулай ҳис қилмаяпти", - деди Гвардиола City Xtra билан суҳбатда.

Жорий мавсумда 29 ёшли футболчи барча мусобақаларда 24 та учрашувда иштирок этиб, битта гол урди ва иккита голли узатмани амалга оширди. "Манчестер Сити"нинг навбатдаги ўйини 17 апрель куни "Реал"га қарши бўлиб ўтади.