Мадриднинг “Реал” клуби ярим ҳимоячиси Аурелиен Тчуамени “Мальорка” дарвозасига урган голи ҳақида фикр билдирди.
Франциялик футболчининг узоқдан йўллаган аниқ зарбаси Ла Лиганинг 32-туридан ўрин олган учрашувда (1:0) “қаймоқранглилар”га ғалаба келтирди.
“Мен гол уришим мумкинлигини биламан. Машғулотларда бу борада қаттиқ меҳнат қилдим ва бугун гол уришга муваффақ бўлдим.
Мен жуда хурсандман, худди шу руҳда давом этишим керак", - дея 24 ёшли ярим ҳимоячининг сўзларидан иқтибос келтиради Madrid Zone.
