Антуан Гризманнинг трансфери ҳақида миш-мишлар тез-тез учраб туради. Бироқ франциялик ҳужумчининг келажаги "Атлетико" билан боғлиқ.
Relevo нашри хабарига кўра, "матрасчилар" 33 ёшли Гризманн билан шартномани узайтирмоқчи, футболчи шуни истамоқда. Томонлар бу масала муваффақиятли ҳал этилишига ишонч билдирмоқда.
Антуан Гризманнинг Мадриддаги амалдаги шартномаси 2026 йилнинг ўрталарига қадар мўлжалланган. Аввалроқ, футболчи қайсидир босқичда ўзини МЛСда синаб кўриш истаги борлигини маълум қилганди.
2023/2024 йилги мавсумда Антуан Гризманн 41 та ўйин ўтказиб, 21 та гол урди ва шерикларига 8 та голли узатма берди.
