"Реал"нинг собиқ бош мураббийи Зинедин Зидан яқин келажакда "Бавария"ни бошқариши даргумон. Журналист Флориан Плеттенбергнинг сўзларига кўра, франциялик мутахассис тайинланиши ҳақидаги миш-мишлар ҳақиқатга тўғри келмайди.

Олдинроқ "Бавария" Зидан атрофидагилар билан алоқага чиққани ҳақида хабар берилганди. Манба бу маълумотни рад этиб, Мюнхен клубининг асосий мақсади ҳозирда жамоани 2021 йилдан 2023 йилгача бошқарган Юлиан Нагельсманн эканлигини маълум қилди.

Эслатиб ўтамиз, “Бавария”нинг амалдаги устози Томас Тухель мавсум якунида жамоани тарк этади.