Полиция "Мальорка" мухлисининг "Реал" билан ўйиндаги ирқчиликка доир хатти-ҳаракатларини текширмоқда.
Шанба куни “Реал” Ла Лиганинг 31-туридан ўрин олган “Мальорка”ни меҳмонда (1:0) Аурелиен Тчуаменининг голи эвазига мағлуб этди.
Ўйин давомида Мовистар+ камералари “Реал Мадрид” футболчилари гол нишонлашаётганда “Мальорка”нинг ёш мухлиси маймунни билдирувчи имо-ишораларга тақлид қилганини ёзиб олди, бироқ бу эпизод протоколга киритилмаган.
Ўйиндан сўнг “Мальорка” баёнот бериб, ирқчиликни қабул қилиб бўлмайди, дея эълон қилди.
Sky Sports хабарига кўра, Испания полицияси ҳодиса юзасидан текширув бошлаган. "Мальорка" Тчуаменига нисбатан ирқчилик ҳаракати қилган мухлисни аниқлашда ёрдам бермоқда.
Қолаверса, голни нишонлаётган вақтда мухлислардан бири “Реал” футболчилари томон сув идишини улоқтирган. Ушбу эпизод ўйин ҳисоботида "ҳеч бир футболчига таъсир қилмади" деган ёзув билан қайд этилган.
