Каталониянинг "Барселона" клуби ярим ҳимоячиси Педри мавсумнинг иккинчи ярмида "блауграна" учун ҳақиқий кашфиётга айланган марказий ҳимоячи Пау Кубарсининг савиясини юқори баҳолади.
"Таркибда Кубарсидек футболчининг борлиги чинакам бахтдир. У доимо олдинга қарайди. Мен ҳеч қачон бундай иқтидорли ёш марказий ҳимоячини кўрмаганман. У мен билан бир жамоада ўйнаётганидан жуда хурсандман", - деди Педри матбуот анжуманида.
17 ёшли Кубарси мавсумнинг иккинчи ярмида "Барселона"нинг асосий марказий ҳимоячисига айланди. Эртага ёш испаниялик "блауграна"га Чемпионлар лигасининг ярим финалига чиқишга ёрдам бериши мумкин.
