Каталониянинг “Барселона” клуби бош мураббийи Хави Эрнандес Чемпионлар лигаси чорак финалида “ПСЖ” билан жавоб ўйинида Андреас Кристенсеннинг иштирок этмаслиги унинг жамоасига қандай таъсир қилиши ҳақида гапирди. Даниялик жуда кўп сариқ карточка олгани учун ўйинни ўтказиб юборади.
"Кристенсеннинг йўқлиги "ПСЖ"га қарши жавоб ўйинида сезилади. Эртага биз бир жамоа бўлиб ҳаракат қилишимиз ва майдонда боримизни беришимиз керак, бу муҳим рол ўйнаши мумкин", - деди Хави матбуот анжуманида.
Кристенсен "ПСЖ"га қарши биринчи ўйинда ғалаба тўпини киритди ва “Барселона”нинг меҳмонда 3:2 ҳисобида ғалаба қозонишига ёрдам берди.
