"Барселона" бош мураббийи Хави Эрнандес келажаги ҳақида гапирди. Январь ойи охирида испаниялик мавсум якунида жамоани тарк этишини айтганди, аммо раҳбарият энди мутахассис якунда фикрини ўзгартиришига умид қилмоқда.
"Мен "Барселона"да қоламанми? 3 ой олдин сиз менинг келажагим ҳақида қайғурмадингиз, лекин ҳозир ҳамма нарса ўзгарди. Ҳозир энг муҳими Чемпионлар лигасининг ярим финалига йўлланмани қўлга киритиш”, — деди Хави матбуот анжуманида.
Эрнандес кетишини эълон қилганидан бери “Барселона” барча мусобақаларда 13 та ўйин ўтказди. Жамоа бу учрашувларда бирорта ҳам мағлубият аламини тотиб кўрмади.
