Ҳужумчи Антони Марсьяль ёзги трансфер ойнасида “Манчестер Юнайтед”ни тарк этади. Нуфузли инсайдер Фабрицио Романо аввалроқ вазият ўзгармаслиги ҳақида хабар берганди.
TodoFichajes хабарига кўра, Марсьяль Италия ёки Испанияда ўйнашни хоҳлайди. Аввалроқ, форвард испан футболида бир муддат "Севилья"да ижара асосида ўйнаган эди.
Яқинда матбуотда 28 ёшли Энтони Марсьяль ўз хизматларини "Интер"га таклиф қилгани ҳақида маълумот пайдо бўлди. Марсьяль 2023/2024 йилги мавсумда 19 та расмий ўйинда майдонга тушиб, 2 та гол урди ва битта голли узатмани амалга оширди.