Ўтган йили "Манчестер Юнайтед"да Жейдон Санчо ва Эрик тен Хаг ўртасида можаро юзага келганди. Ўшанда футболчи ўйинлардан бирини ўтказиб юборгач, уни айбдор қилиб қўйишаётганини айтди.
Бу Санчони ёмон тайёргарлик кўргани учун қоралаган мураббийнинг сўзларига жавоб бўлди. Қанот вингери жамоа билан ишлашдан четлаштирилди, қишда эса Дортмунднинг "Боруссия" клубига ижарага берилди.
Transfer News Live нашри хабар беришича, Санчо "Манчестер Юнайтед"даги фаолиятини тўхтатгани йўқ. Мавсум охирида тен Хаг мураббийлик лавозимини тарк этса, 24 ёшли футболчи клубга қайтишга тайёр бўлади.
