Эдуардо Итурральде Гонсалес Рональд Араухонинг четлатилиши билан эпизодда қоидабузарлик кўрмади.
"Барселона" Чемпионлар лигаси 1/4 финалининг "ПСЖ"га қарши жавоб учрашувининг 29-дақиқасида озчиликда қолди (1:4). Каталонияликлар ҳимоячиси “Барселона” дарвозабони Марк-Андре тер Штеген билан яккама-якка вазиятга чиқиб бораётган парижликлар вингери Брэдли Барколани жарима майдончасидан бир метр олдинда елкасидан тортиб юборгач, ҳакам Иштван Ковач Араухога тўғридан-тўғри қизил карточка кўрсатди.
"Ушбу эпизодда Араухо тўп учун курашаётганда "ПСЖ" ҳужумчисининг елкасига қўлини қўяди ва у йиқилиб тушади. Менимча, бу ерда ҳеч қандай қоидабузарлик йўқ.
Агар ҳакам қўполлик ва жарима зарбаси кўрган бўлса, қизил карточкага шубҳа йўқ", - деди собиқ ҳакам.
