"Милан"нинг ўнг қанот ҳимоячиси Давиде Калабрия тез орада янги шартнома бўйича таклиф олиши мумкин.
27 ёшли футболчининг амалдаги шартномаси 2025 йилнинг ўрталарига қадар мўлжалланган, шунинг учун ОАВда италияликнинг яқинлашиб келаётган трансфер ойнасида кетиши мумкинлиги ҳақида маълумот пайдо бўлди.
Журналист Маттео Мореттонинг сўзларига кўра, “Милан” сардорни ўзида сақлаб қолмоқчи: клуб раҳбарияти футболчининг агентларига ҳамкорликни давом эттириш нияти ҳақида аллақачон маълум қилган, бироқ расмий музокаралар ҳали давом этаётгани йўқ.
Калабриянинг ўзи ҳам янги шартнома тузмоқчи. Давиде Калабрия бутун фаолияти давомида "Милан"да ўйнаган. У "россонерилар" сафида барча мусобақаларда 255 та ўйин ўтказган.
