"Манчестер Сити" бош мураббийи Пеп Гвардиола, агар унинг жамоаси Чемпионлар лигасининг ярим финалига чиқишни истаса, "Реал" билан жавоб ўйинида ўз кўрсаткичларини яхшилаши кераклигини таъкидлади.
Испаниядаги илк ўйин 3:3 ҳисобида дуранг билан якунланган эди. Бугун жамоалар "Этиҳад" стадионида ўзаро баҳс олиб боришади.
"Агар биз "Реал"дан ўтишни истасак, Мадриддагидан яхшироқ ўйнашимиз керак. Ўйинчилар фантастик эди ва яхши натижага эришди, лекин биз баъзи нарсаларни қўшишимиз ва ёмон кўринаётганини яхшилашимиз керак. Биз уйда ўзимизни қулай ҳис қиляпмиз”, - деди Гвардиола матбуот анжуманида.
