Андрес Иньеста мавсум охирида бош мураббийга айланиши мумкин.
Diario Sport хабарига кўра, БААнинг “Эмирейтс” жамоасида тўп тепаётган Андрес Иньеста мавсум якунида клубни бошқариши мумкин. Бу ҳақда клуб президенти маълум қилди.
Жамоа БАА чемпионати турнир жадвалида сўнгги ўринни эгаллаб турибди.
"Унинг шартномаси 2024 йилнинг 30 июнида тугашини ҳисобга олсак, бу қийин, аммо имконсиз эмас, аммо унинг яна бир йилга узайтириш имконияти бор. Ҳаммаси жамоанинг олий дивизионда қолиши ёки қолмаслигига боғлиқ бўлади.
Агар жамоа қолса, биз у билан шартномани узайтириш бўйича музокараларни бошлаймиз, чунки у ҳали техник ва жисмоний ҳолатда жуда яхши ва биз билан икки ёки уч мавсум қолиши мумкин, лекин агар биз қуйи лигага тушиб кетсак, уни қўйиб юборишга рози бўлмайман. Мен унга жамоани бошқариш имкониятини таклиф қиламан”, - деди клуб президенти Юсуф Ал-Батран.
Андрес Иньеста ўтган ёзда "Эмирейтс" билан шартнома имзолаган эди.
