Германиянинг “Бавария” ҳамда Англиянинг “Арсенал” клублари ўртасидаги Чемпионлар лигаси 1/4 финалининг жавоб учрашуви бўлиб ўтди. Жамоалар Мюнхендаги (Германия) "Альянц-Арена"да ўйнашди. Учрашувни Данни Маккели (Нидерландия) бошчилигидаги ҳакамлар бригадаси бошқариб борди. Учрашувда мезбонлар 1:0 (умумий 3:2) ҳисобида зафар қучди. Шу тариқа, Лондон клуби 2015 йилдан бери Мюнхенни мағлуб эта олмаётган сериясини давом эттирди.
“Арсенал” сўнгги бор 2015 йилнинг 20 ноябрида 2015/2016 йилги Чемпионлар Лигаси гуруҳ босқичида “Бавария”ни мағлуб этганди. Ўшанда учрашув 2:0 ҳисобида якунланди. Голларга Оливье Жиру ва Месут Ўзил муаллифлик қилишган.
9 апрель куни бўлиб ўтган Чемпионлар лигасининг 1/4 финал босқичининг илк учрашувида жамоалар 2:2 ҳисобида дуранг ўйнашди.
