Мадриднинг “Реал” клуби бош мураббийи Карло Анчелотти Пеп Гвардиола жамоасини 3 марта Чемпионлар лигасидан чиқариб юборган биринчи мураббийга айланди. Бу ҳақда Squawka хабар бермоқда.
Манбага кўра, бунгача замонавий футболда ҳеч бир мураббий буни уддалай олмаган. Анчелотти Гвардиолани илк бор 2014 йилда мағлуб этганди, ўшанда “Реал” Чемпионлар лигаси ярим финалида “Бавария”ни мағлуб этган (1:0, 4:0). Италиялик мутахассис "Манчестер Сити"нинг амалдаги бош мураббийини иккинчи марта 2022 йилда мағлуб этганди. Ўшанда ҳам "қаймоқранглилар"нинг бошқарувида Анчелотти Гвардиоланинг "Сити"сини мағлуб этди (3:4, 3:1) ва турнир финалига чиқди.
Эслатиб ўтамиз, "Реал" Чемпионлар лигаси ярим финалида "Бавария" билан учрашади. Ярим финалнинг яна бир тўқнашувида “Боруссия” "ПСЖ" билан ўйнайди.
