Мюнхеннинг "Бавария" клуби ҳужумчиси Харри Кейн Чемпионлар лигаси ярим финалида англиялик жамоадоши Жуд Беллингем билан учрашишни интиқлик билан кутмоқда.
Эслатиб ўтамиз, “қизил машина” Мадриднинг “Реал” клуби билан финалга чиқиш учун курашади.
"Шубҳасиз, Жуд ажойиб мавсумни ўтказмоқда. У ҳақиқатан ҳам топ футболчи, шунинг учун мен у учун хурсандман.
Биз Чемпионлар лигаси ярим финали каби муҳим ўйинларда ўйнашни истаймиз. Ишончим комилки, кўплаб инглиз мухлислари иккаламизни ҳам кузатиб туришади.
Биз фақат ўйинимизга эътибор қаратишимиз керак. Беллингем билан тўқнаш келишдан хурсанд бўламан, лекин майдонга тушишимиз билан жамоамиз ғалаба қозониши учун қўлимиздан келганини қиламиз", — дея Кейннинг сўзларини келтирган Hayters Tv.
