"Ницца" ҳимоячиси Жан-Клер Тодибо ёзги трансфер ойнасида клубини ўзгартириши мумкин.
Бу ҳақда Footmercato хабар бермоқда.
Манбага кўра, 24 ёшли франциялик футболчининг хизматларига Мадриднинг "Атлетико" клуби қизиқиш билдирмоқда.
Қайд этилишича, клуб Тодибони сотиб олиш учун жиддий пул сарфлашга тайёр. Жорий мавсумда ҳимоячи барча мусобақаларда 27 та ўйинда майдонга тушиб, 2 та голли узатмани амалга оширди. Тодибонинг "Ницца" билан шартномаси 2027 йилгача мўлжалланган.
Нуфузли Transfermarkt интернет портали экспертлари футболчининг нархини 35 миллион еврога баҳоламоқда.
