"Реал" ярим ҳимоячиси Тони Кроос "Бавария" ярим ҳимоячиси Йозуа Киммихга Чемпионлар лигаси чорак финал жавоб ўйинида Лондоннинг "Арсенал" клуби устидан қозонилган ғалабадан сўнг мурожаат қилди.
Эслатиб ўтамиз, учрашув 1:0 ҳисобида немис жамоаси фойдасига ҳал бўлиб, ягона гол Киммих томонидан киритилганди.
Шу тариқа, мюнхенликлар Лондондаги биринчи ўйин дуранг – 2:2 ҳисобида якунлангани боис турнирнинг ярим финалига йўл олди.
"Ярим финал олдидан яна бир бор сартарошхонага боргин", - деб ёзган Кроос ижтимоий тармоқларда Германия терма жамоасидаги шериги билан ҳазиллашган ҳолда.
