Леверкузеннинг "Байер" клуби бош мураббийи Хаби Алонсо ЕЧЛ чорак финалида "Реал"нинг "Манчестер Сити" устидан қозонилган ғалабасини баҳолади.

"Реал Мадрид ва "Манчестер Сити" ўйини? Албатта, ўйинни томоша қилдим, чунки мен футболни яхши кўраман. Биз ҳар бир қийин учрашувда “Реал”нинг руҳияти ва характери қандай эканини биламиз. "Бавария" билан ярим финал жуда қизиқарли бўлади", - деди Алонсо матбуот анжуманида.

Аввалроқ, Алонсо келажакда "Реал"ни бошқариш истагида бўлгани учун "Бавария" ва "Ливерпул"дан воз кечгани хабар қилинганди. Бу 2025 ёки 2026 йилларда содир бўлиши мумкин.