Кеча келаси мавсумдан бошлаб Англия кубогининг барча босқичларида такрорий ўйинлар ўтказилмаслиги эълон қилинди. Энди Англия футбол лигаси баёнот берди.
"Кубок такрорий ўйинларини бекор қилиш бўйича келишув фақат Премьер-лига ва Футбол ассоциацияси (ФА) ўртасида тузилган.
Англия футбол лигаси билан ҳеч қандай келишув бўлмаган, шунингдек, ФА аъзолари ва турнир иштирокчилари сифатида лига клублари билан маслаҳатлашувлар ўтказилмаган", — дейилади хабарда. EFL баёноти инглиз футболида маълум бир бўлиниш мавжудлигини аниқ кўрсатиб турибди. Биз янгиликларни кузатиб борамиз.
