"Челси" бош мураббийи Маурисио Почеттино Англия кубоги баҳси олдидан "Манчестер Сити"нинг ҳолати ҳақида гапирди. Ярим финал шанба куни "Уэмбли"да бўлиб ўтади.
"Манчестер Сити"нинг ҳолати тушунарли, аммо бу ҳақда ўйламаслигимиз керак. Бунга "Ливерпул"ни мисол қилиб келтириш мумкин. Одамлар катта жароҳатлар рўйхати, ёш таркиб ҳақида гапиришди, аммо Лига кубоги финалида нима бўлганини эслайлик.
“Манчестер Сити”нинг кучли томони шундаки, бу жамоа анчадан бери бир хил фалсафага содиқ қолган. Улар рақобатбардош бўлишади, чунки уларда футболчиларга ғамхўрлик қила оладиган ажойиб ходимлар бор. Жангга тўлиқ тайёр бўлган 11 киши майдонга чиқади", - дея Почеттино сўзларидан иқтибос келтиради Fotmob.
