Франциялик ҳужумчи Антуан Гризманн Мадриднинг “Атлетико” клуби билан шартномани узайтириши мумкин. Бу ҳақда журналист Маттео Моретто ижтимоий тармоқлар орқали хабар берди.
Инсайдер маълум қилишича, томонлар ҳамкорликни узайтириш бўйича музокараларга киришган. Эслатиб ўтамиз, томонлар ўртасидаги амалдаги меҳнат шартномаси 2026 йилнинг ёзида якунига етади.
Аввалроқ матбуотда Гризманнга МЛС клубларидан қизиқиш борлиги ҳақида хабарлар тарқалган эди. Жорий мавсумда Антуан мадридликлар сафида 41 та учрашувда иштирок этди. Ҳужумчи ҳисобида 21 та гол ва 8 та голли узатма бор.
