"Интер" президенти эски қарзларини ёпиш учун янги кўп миллион долларлик кредит олади.

Аввалроқ, "Интер" президенти Стивен Чжан клуб акциялари билан гаровга қўйилган Американинг Oaktree фондини тўлаш учун 3 йиллик 400 миллион евро кредит олишни режалаштираётгани ҳақида маълумот пайдо бўлганди.

Sky Sports келишув тафсилотларини хабар қилди: Американинг Pimco жамғармаси Oaktree олдидаги қарзни тўлаш учун "нерадзуррилар" президентига кредит беришга тайёр. Бу Чжанга Oaktree'дан олинган 350 миллион доллардан ортиқ кредит муддати тугайдиган 20-майдан кейин клуб устидан назоратни сақлаб қолиш имконини беради.

Янги кредит шартлари уч йилга 400 миллион евро. Транзакцияни якунлаш 15-20 кун давом этиши мумкин. Қайд этилишича, Чжан Pimco билан ҳамкорлик қилишга тайёр.