"Бавария" спорт директори Макс Эберль клуб Томас Тухелни сақлаб қолиши мумкинми, деган саволга жавоб берди.
“Кетиш ҳақидаги қарор менинг тайинланишимдан олдин қабул қилинган ва бу қарор, Томаснинг сўзларига кўра, ўз кучида қолади.
Менга у билан ишлаш жуда ёқади, ҳозир ҳаммаси унчалик ёмон эмас: биз Бундеслигада ўтган мавсумга қараганда кўпроқ очко тўпладик, Чемпионлар лигасининг ярим финалига чиқдик. Аммо Тухелни тарк этиш қарори биргаликда қабул қилинган, шунинг учун уни ҳозир муҳокама қилишнинг маъноси йўқ", - деди Мюнхен гигантининг спорт директори.
