Лондоннинг “Арсенал” клуби ярим ҳимоячиси Мартин Эдегор Англия чемпионатининг 34-турида “Вулверхэмптон” устидан қозонилган ғалабадан сўнг ўз фикрларини билдириб ўтди. Эслатиб ўтамиз, учрашув шанба куни бўлиб ўтган ва 2:0 ҳисобида "канонирлар" фойдасига ҳал бўлганди.

"Биз учун муҳим ғалаба, "Арсенал" учун қийин ҳафта бўлди. Шунга қарамай, биз ҳаракат қилишимиз керак. Биз ғалабага эришдик ва мен хурсандман”, деди норвегиялик футболчи учрашувдан сўнг.

Жорий мавсумда Эдегор Англия чемпионатида 29 та ўйин ўтказиб, 7 та гол урган, норвегиялик футболчи 6 та голли узатмани ҳам амалга оширган.