Бугун, 21 апрель куни ўзбек футболи тарихида ёрқин из қолдирган ҳамда айни пайтда ЎФА Фахрийлар кенгаши раиси сифатида фаолият олиб бораётган Тўлаган Исоқов 75 ёшни қарши олмоқда.
Тўлаган Ўлмасович 1967-1979-йиллар давомида “Пахтакор” жамоаси шарафини ҳимоя қилган. Собиқ Иттифоқ чемпионатларида 252 учрашувда майдонга тушиб, 52 гол киритишга муваффақ бўлган.
Тўлаган Исоқовнинг футболимиз ривожига қўшган ҳиссаси беқиёс. Ҳозирги кунда ЎФА Фахрийлар кенгаши раиси сифатида ўзбек футболи афсоналари ва ёш авлод ўртасида мулоқотлар ташкил этишда жонбозлик кўрсатиб келмоқда.
Футбол жамоатчилиги номидан ўз даврининг моҳир футболчиси бўлган Тўлаган Ўлмасовичга энг яхши тилаклар ёр боълишини тилаб қоламиз.
