23 март куни Ўзбекистон Чемпионати 2-турининг қолдирилган икки ўйини – «Динамо» – «Гулистон» ва «Бухоро» – «Сўғдиёна» учрашувлари ўтказилади. Эслатиб ўтамиз, ушбу учрашувлар ноқулай об-ҳаво шароити сабаб 9 март куни ўтказилмай қолганди. Ушбу ўйинларни дастлабки тайинланган ҳакамлар бошқаради.

Худди ўша сабабга кўра 9 март куни ўтказилмаган ва энди 3 апрель куни Косонсойда бўлиб ўтадиган, 2-тур доирасидаги «Навбаҳор» – «Локомотив» ўйинида бош ҳакам ва ён қанот ҳакамлари ўзгарди. Валентин Коваленко, Рафаэль Илёсов ва Маъмур Саидқосимов ўрнига ушбу ўйинни Марат Исмоилов (бош ҳакам), Алишер Усмонов ва Руслан Серазитдинов бошқариб боради.

Олий Лига-2013, 2-турнинг қолдирилган учрашувлари
23 март, шанба
«Динамо» (Самарқанд) – «Гулистон» (Гулистон)
Ҳакамлар: М. Муҳаммедов (Тошкент вилояти), А. Маражабов (Андижон), У. Каримов (Андижон), В. Серазетдинов (Тошкент).
Назоратчи: А. Абдуллаев (Тошкент).

«Бухоро» (Бухоро) – «Сўғдиёна» (Жиззах)
Ҳакамлар: А. Асимов (Тошкент), Б. Норсафаров (Қарши), А. Букатин (Тошкент), Т. Галеев (Урганч).
Назоратчи: А. Арутюнов (Тошкент).

3 апрель, чоршанба
«Навбаҳор» (Наманган) – «Локомотив» (Тошкент)
Ҳакамлар: М. Исмоилов (Тошкент), А. Усмонов (Тошкент), Р. Серазетдинов (Тошкент), Р. Толибжанов (Фарғона).
Назоратчи: С. Нажафалиев (Тошкент).