"Манчестер Юнайтед" ярим ҳимоячиси Каземиро "Реал"дан кетганини эслади.

"Кетишга яқин қолганимда Анчелоттининг хонасига кирдим, у йиғлаб ўтирганди. Мен ундан сўрадим: "Нега йиғлаяпсиз?" У жавоб берди: “Казе, мен билмайман. Мен фақат сизни севишимни билишингизни истайман ва кетишингизни хоҳламайман." Кейин кетишим керакми ёки йўқми, шубҳаланиб қолдим", - деди Каземиро El Chiringuito билан суҳбатда.

Эслатиб ўтамиз, ярим ҳимоячи 2022 йилнинг ёзида "Реал"дан "Манчестер Юнайтер" клубига ўтган эди. 32 ёшли ярим ҳимоячи 7 йил давомида "Лос-Бланкос" сафида 336 та ўйинда майдонга тушган. Каземиро Мадрид клуби билан 15 та соврин ютган. Жорий мавсумда футболчи жамоа сафида барча турнирларда 25 та ўйин ўтказиб, 5 та гол ва 3 та голли узатмага муаллифлик қилган.