"Манчестер Сити" ярим ҳимоячиси Филипп Фоден кетма-кет тўртинчи бор Англия Премьер-лигасида ғалаба қозониш имконияти ҳақида гапирди.
"Бизнинг машғулот майдончамиз деворида ёзув бор. Унда шундай дейилган: "Ҳеч ким кетма-кет тўртта Премьер-лигада ғолиб чиққани йўқ...". Мен ҳар куни шу шиорга қарайман ва ўйлайман, нега биз буни уддаламаслигимиз керак? Биз ўз номимизни тарихга ёздирмоқчимиз", — деди Фоден матбуот анжуманида.
"Шаҳарликлар"дан ташқари "Манчестер Юнайтед" кетма-кет уч марта Англия Премьер-лигасида ғолиб чиқди (1998/1999-2000/2001, (2006/2007-2008/2009).
Айни дамда Англия чемпионатида 32 ўйиндан сўнг "Манчестер Сити" 73 очко билан турнир жадвалида иккинчи ўринда бормоқда.
