"Бавария" ҳужумчиси Эрик-Максим Чупо-Мотинг мавсум якунида жамоани тарк этади, дея хабар беради журналист Флориан Плеттенберг.
Унинг шартномаси ёзда тугайди ва у узайтирилмайди. Бундан ташқари, форвард Мюнхендаги энг кўп маош олувчи футболчилардан бири ҳисобланади. У солиқлар олдидан йилига 10 миллион еврогача маош олади ва бонуслари ўйнаган вақтига боғлиқ.
Қайд этилишича, ҳужумчига Саудия Арабистони ва Қатардан таклифлар бор.
Чупо-Мотинг "Бавария"да 2020 йилнинг октябрь ойидан бери ўйнамоқда. Жорий мавсумда у клуб сафида 31 та ўйинда майдонга тушиб, 3 та гол урди ва 2 та голли узатмани амалга оширди.
