Бернарду Силва Англия кубогидаги учрашувлар тақвими юзасидан хавотирини билдирди.
Кеча Англия кубоги ярим финалида “Манчестер Сити” “Уэмбли”да “Челси”га қарши майдонга тушди. Португалиялик ўйинда ягона гол муаллифи бўлиб, жамоанинг турнир финалига йўл олишини таъминлади.
“Бу тенг шароит эмас эди, чунки Англия ФА бизга тикланиш учун вақт бермади, менимча, бу мутлақо мантиқсиз.
Мен бу ҳақда гапиряпман, чунки биз ғалаба қозондик. Агар биз ғалаба қозонмаганимизда, мен бундай демаган бўлардим, чунки мен баҳона қилишни ёқтирмайман, менимча, [шанба куни] ўйнашимиз керак бўлганини қабул қилиб бўлмайди", – деди Бернарду.
