Мадриднинг “Реал” клуби ярим ҳимоячиси Лука Модрич якшанба куни “Барселона” устидан қозонилган ғалабадан сўнг (3:2) фикр билдирди.
“Қаймоқранглилар” ўйин давомида икки марта ҳисобда ортда қолишди, аммо барибир уч очкони қўлга киритишди.
“Қандай оқшом. Ҳозир биз Ла Лигада ғалаба қозонишга янада яқинмиз. Бу ақлга сиғмайди. Биз ҳеч қачон таслим бўлмаганмиз, ўзимизга бўлган ишончимиз ақл бовар қилмайди. "Бернабеу"даги барча оқшомлар каби ажойиб оқшом. Мухлисларимиз ажойиб эди, муҳит ажойиб эди. Раҳмат, “Бернабеу”, - деди Модрич ўйиндан кейин.
