Нидерландиялик собиқ футболчи Рональд де Бур “Барселона” ҳимоячиси Жоау Канселунинг кечаги Испания чемпионати доирасида “Реал”га қарши ўйиндаги ҳаракатлари ҳақида гапирди.
“Кўк-анорранглилар” қўшиб берилган вақтда ҳал қилувчи голни ўтказиб юбориб, меҳмонда 2:3 ҳисобида имкониятни бой беришди.
"Энди мен Канселу нима учун Гвардиола жамоасида ўйнамаганини тушундим. Бу футболчи ўзининг ўйинини ўйнайди ва асосийси тўп билан қандай муомала қилишда, деб ўйлайди. Лекин сен ҳимоячисан, жин урсин," - деди де Бур.
"Бу ақлдан озиш. Канселу 29 ёшда ва ҳали ҳам ёш болаларча бир хил хатоларга йўл қўймоқда", - дея қўшимча қилди афсонавий Марко ван Бастен.
Жоау Ла Лиганинг жорий мавсумида 26 та ўйин ўтказиб, 2 та гол ва 3 та голли узатмани амалга оширди.
